«Білім келешегі: адал азамат – кәсіби маман» республикалық білім беру қызметкерлерінің тамыз саммиті аясында «Мектепке дейінгі білім беру: басымдықтан – сапаға» панельдік секциясы ұйымдастырылды.

Бүгін Астана қаласында Қазақстан Республикасының білім беру жүйесінің болашағын талқылау үшін кәсіби мамандар мен педагогтердің басын қосқан «Мектепке дейінгі білім беру: басымдықтан - сапаға» панельдік секциясы өтті. Бұл шара республикалық білім беру қызметкерлерінің тамыз саммитінің құрамдас бөлігі болып табылады.
Секция барысында мектепке дейінгі білім беру ұйымдарының мамандары мен сарапшылары білім беру сапасын арттыру, педагогтардың кәсіби дағдыларын дамыту және заманауи білім беру талаптарына жауап беру жөнінде көптеген маңызды мәселелерді көтерді. Педагогтер практикаға негізделген сабақтарды, инновациялық әдіс-тәсілдерді қолдану арқылы білім беру процесінің тиімділігін арттыру жолдарын талқылады.