Балабақшаға келу тәртібі және ережесі

АТА-АНАЛАРҒА ЖАРНАМА

Балабақшаға келу тәртібі және ережесі

Балабақша жұмыс уақыты бескүндік, сағат 07-30 – 18-00 (КЕЗЕКШІ ТОП ЖОҚ)

Балаларды балабақшаға қабылдау 07-30 дан 08-20 дейін (Жарғы негізінде)

- Балабақшаға баланы әкелу және алып кету балалардың заңды өкілдерінің міндеті!

- Ата-ана  баланы тәрбиешіге тікелей тапсыру және оның хал - жағдайы туралы қысқаша мәлімет беру міндетті!

- Кәмелетке толмаған, таныс емес ересек, алкогольді жағдайдағы адамнан баланы қабылдау және үйіне қайтару жүргізілмейді!

- Ата-анаға баланың балабақшаға кез келген азық-түлік өнімдері, снектер, тәттілер және сағыздар, ойыншықтар, артық заттар алып келуге тыйым салынады!

- Ата-ана таңертеңгі қабылдауға баланы кешіктірмей алып келуге міндетті! (Күн режиміне кедергі келтірілмеу қажет!)

- Мектепке дейінгі ұйым Ата-ана Келісім шартта көзделген міндеттерін жүйелі түрде орындамаған кезде бұл туралы Ата-ананы 10 (он) күнтізбелік күннен кешіктірмей хабардар ете отырып, мерзімінен бұрын Шартты бұзуға құқылы!

- Мектепке дейінгі ұйымның Жарғысы мен келісім шартты сақтау Ата-ананың міндеті болып табылады!

- Әрбір топ жылдық оқу - тәрбие жұмысының жоспары негізінде бала жасына және мүмкіндігіне сәйкес жұмыс жасайды.

- Тәрбиешіге баланы фотоға, видеоға түсіріп ата- аналарға жіберуге тыйым салынады, ол тәрбиешінің міндетіне кірмейді!

- Тәрбиеші жұмысынан тыс уақытта, демалыс кезінде әлеуметтік желіде жауап беруге міндетті емес!

- Тәрбиешілер өздерінің лауазымдық міндеттерін орындаған кезде оны балағаттап, жеке басына қатысты дөрекі сөздер мен іс-әрекеттер қолдануына қатаң тыйым салынады және ата-ана педагогтерге және қызметкерлерге құрмет көрсетуі міндетті!

- Мектепке дейінгі ұйым дайын тағамдардың калориялығын, салмағын, перспективалық ас мәзірін ауыстыру жиілігін, мектепке дейінгі ұйымдарда қолдануға тыйым салынған азық-түлік пен тағамдардың тізімін сақтай отырып, сондай-ақ азық-түлік өнімдеріне, дайын тағамдарға және оларды жеткізудің, дайындаудың, сақтау мен кәдеге жаратудың технологиялық процесін қамтамасыз етуге қатысты санитариялық нормаларға және қолданыстағы заңнаманың басқа да талаптарына сәйкес баланы тамақпен қамтамасыз етеді.

- Мектепке дейінгі ұйымда тамақтану АҚЫЛЫ және мына тәртіпке сәйкес тамақ қабылдау санын қамтамасыз етеді: таңғы ас, екінші таңғы ас, түскі ас, бесіндік.

- Мектепке дейінгі ұйым баланың аллергиялық немесе басқа қарсы көрсетілімдері болған жағдайда, бала үшін жеке ас мәзірін жасаудан бас тартуға құқылы.

- Балабақшада тамақтану ақысы 20800 (Жиырма мың сегіз жүз) теңгені құрайды.

- Мектепке дейінгі ұйымның қызметтері үшін ақыны уақтылы төлеу міндетті!

-  Мектепке дейінгі ұйымның қызметтері үшін ата-ананың төлемі тарифтік саясатқа сәйкес белгіленеді және мынадай тәртіппен енгізіледі: ай сайын ағымдағы айдың 5-не дейін!

- Басқа тәрбиеленушілердің арасында тұмау немесе жұқпалы аурулардың таралуына жол бермеу үшін бұл аурулардың белгілері бар баланы Мектепке дейінгі ұйымға әкелмеу!

- Мектепке дейінгі ұйымға себепсіз бармауға жол бермеуге. Бала сырқаттанып қалған жағдайда, емдеуші дәрігер берген медициналық анықтама әкелуге, сондай-ақ бала үш күннен астам уақыт болмаған жағдайда, Санитариялық қағидалардың 134-тармағына сәйкес денсаулық жағдайы туралы анықтама әкелу!

- Балабақша тәрбиешілері мен медбике ата-ананың үйден әкелген дәрі-дәрмектерін балаға беруге қатаң тыйым салынады!

- Балабақшаға келетін баланың тазалығына (тері, тырнақ, шаш тазалығы) жауапкершілікті ата-анасы алады!

- Егер тәрбиеші балабақшада бала денсаулығының нашарлағанын сезсе, онда балабақша медбикесі алғашқы көмек көрсетеді, ата - анасын шақырады, өте қажет болған жағдайда «жедел жәрдем» шақырылады!

- Отбасылық жағдайға байланысты балабақшаға келмеу. Айына 3 (үш) күннен артық емес!

- Ата-ананың демалысына және баланы сауықтыруға байланысты балабақшаға келмеу. Жылына 2 (екі) айдан артық емес. Ата-ананың өтінішімен актіленеді. 

- Баланың науқастануына байланысты балабақшаға келмеу. Ұзақтығы баланың науқас болуының нақты кезеңімен анықталады. Уәкілетті денсаулық сақтау ұйымымен берілген құжатпен актіленеді!

- Санаториялық (оңалту) сауықтыруға байланысты балабақшаға келмеу. Ұзақтығы уәкілетті денсаулық сақтау ұйымымен берілген жолдамамен актіленеді!

Балабақшаға келердегі дайындық жұмыстары:

- Баланың басты гигиеналық дағдыларға қажетті заттарды әкелу (қол орамал, тарақ, қыз балалардың шашын жинайтын қысқыштар т.с.с)

- Үйдегі жағдайда баланың өзіне-өзі қызмет етудің алғы шарттарын үйрету: жуыну, қолын сүрту, шешіну, өз бетімен тамақтану, қасықты ұстау, тамақ ішкенде қасықты пайдалану, түбекке (горшок) сұрану. Памперстан, емізіктен, бутылкадан айырып келу міндетті!

Балабақшадағы баланың киімі

1. Бала балабақшаға таза киіммен келеді.
2. Топта баланың ауыстыратын аяқ киімі болу керек (еденде із қалдыратын қара табанды аяқ киімдер кигізбеуге тырысу қажет)
3. Балабақшада баланың киімдерін сақтайтын арнайы орын бар, оны ата - анасы ретке келтіріп отырады.
4. Балабақшада әрбір балада өзінің жеке тарағы және таза қол орамалы болуы тиіс.
5. Дене шынықтыруға қатысу үшін баланың арнайы дене шынықтыру киімі болуы керек, ол топ тәрбиешісі және басқа ата - аналармен келісіледі. Даладағы дене шынықтыру сабағы үшін бөлек арнайы киімдер болуы керек.
6. Далада серуенге шығу үшін баланың белсенді қозғалысына кедергі болмайтын киімдер болуы керек және ол тез кептіруге болатын, кір көтеретін болғаны жөн. 7. Балалардың киіміне ата - ананың қалауы бойынша жоғалып кетпеуі үшін немесе басқа балалардың киімімен ауысып кетпеуі үшін белгілер қоюға болады. 8. Киім мен аяқ киім ауа райына сәйкес болуы тиіс
7. Қыста және ылғалды ауа райында баланың қосымша құрғақ қолғабы мен киімдері болғаны дұрыс.
8. Баланың киім салғышында міндетті түрде ауыстыру үшін қосымша құрғақ киімдер жинағы болуы тиіс.
9. Күнделікті серуенге 2 рет шығарылады: баланы ауа райына, жыл мезгіліне сәйкес киіндіру қажет, білмеген жағдайда тәрбиешіден сұрау